Social Filed

यशवंतराव चव्हाण सेंटर, मुंबई.

यशवंतराव चव्हाण सेंटर, मुंबई. ही महाराष्ट्रात कार्यरत असलेली एक सामाजिक आणि सांस्कृतिक संस्था आहे. डॉ.नरेंद्र काळे हे या संस्थेच्या अंबाजोगाई केंद्राचे (बीड जिल्ह्यासाठी) सचिव म्हणून कार्यरत आहेत.

यशवंतराव चव्हाण सेंटर, मुंबई या नामवंत संस्थेच्या बीड जिल्हा केंद्राचे सचिव म्हणून डॉ.नरेंद्र काळे हे दिनांक 01/04/2016 पासुन कार्यरत आहेत. या सेंटरच्या वतीने तरुणांमध्ये राष्ट्रभक्ती जागविण्यासाठी दरवर्षी स्वातंत्र्य दिनाच्या पूर्वसंध्येला 'युवा स्वातंत्र्य ज्योत रॅली' चे आयोजन करण्यात येते.

खा.शरदपवार साहेबांच्या सुचनेवरून व यशवंतराव चव्हाण प्रतिष्ठान मुंबईच्या माध्यमातुन लातुर, बीड, उस्मानाबाद जिल्ह्यांच्या दुष्काळग्रस्त भागात शेतकरी आत्महत्या रोखण्यासाठी मानसिक समुपदेशन करण्यासाठी डॉ.नरेंद्र काळे यांनी पुढाकार घेतला. या भागातील गावा गावात जावुन पारंपारिक किर्तनाच्या मदतीने, मानसोपचार तज्ञांच्या मार्गदर्शनाने या शेतकऱ्यांचे मनोबल उंचावण्यासाठी प्रयत्न केले. दुष्काळग्रस्त रूग्णांसाठी स्वामी रामानंद तीर्थ वैद्यकीय महाविद्यालयात अन्नछत्र सुरू केले. दुष्काळी भागात आरोग्य तपासणी शिबीरे घेतली.

या सेंटरच्या माध्यमातून अनेकानेक समाजोपयोगी उपक्रम राबवले जातात. अंबाजोगाई परीसराच्या पर्यटन विकासासाठी ही डॉ. नरेंद्र काळे यांनी प्रयत्न केले.

त्याचबरोबर या सेंटरच्या माध्यमातुन शिवजयंती निमित्त विशेष कार्यक्रम, यशवंतराव चव्हाण जयंती, डॉ.बाबासाहेब आंबेडकर जयंती, कृषी विषयक एक दिवसीय कार्यक्रम, करीयर मेळावा, स्वातंत्र्य ज्योत रॅली, मराठवाडा मुक्तीसंग्राम दिन, दिवाळी पहाट पाडवा, यशवंतराव चव्हाण स्मृती पुरस्कार, बापुसाहेब काळदाते स्मृती वक्तृत्व स्पर्धा, बालकुमार साहित्य संमेलन/अपंग साहित्य संमेलन इत्यादी उपक्रमेही राबवली जातात.

डॉ.नरेंद्र काळे हे मराठवाडा जनता विकास परिषद, शाखा अंबाजोगाई चे 2019 पासुन अध्यक्ष पदावर कार्यरत आहेत.

मराठवाडा जनता विकास परिषद ही मराठवाड्यातील विकासाच्या प्रश्नांवर काम करणारी एक महत्त्वाची संस्था आहे. या संस्थेची स्थापना मराठवाड्याच्या विकासातील अनुशेष दूर करण्याच्या उद्देशाने झाली आहे.

मुख्य उद्दिष्ट्ये आणि कार्य:

• विकासाचा पाठपुरावा: मराठवाड्याच्या विकासासाठी आणि विविध क्षेत्रांतील अनुशेष दूर करण्यासाठी ही परिषद शासनाकडे सातत्याने पाठपुरावा करते. यामध्ये सिंचन, शिक्षण, उद्योग, रेल्वे, रस्ते आणि इतर पायाभूत सुविधांचा समावेश आहे.
• आंदोलने आणि बैठका: आपल्या मागण्यांसाठी ही परिषद अनेकदा शांततापूर्ण मार्गाने आंदोलने आणि बैठका आयोजित करते. स्थानिक पातळीवर तसेच केंद्रीय पातळीवर नेत्यांची आणि प्रशासकीय अधिकाऱ्यांची भेट घेऊन प्रश्नांवर तोडगा काढण्याचा प्रयत्न करते.
• जनजागृती: मराठवाड्यातील जनतेला विकासाच्या प्रश्नांबद्दल जागरूक करणे, त्यांचे हक्क आणि मागण्या मांडण्यासाठी त्यांना प्रोत्साहित करणे हे परिषदेचे एक महत्त्वाचे कार्य आहे.
• स्थानिक प्रश्नांवर लक्ष: अंबाजोगाईला जिल्ह्याचा दर्जा देणे, मराठी भाषेचे विद्यापीठ स्थापन करणे अशा स्थानिक प्रश्नांवरही ही परिषद आवाज उठवते.
• वैधानिक विकास मंडळांचा आग्रह: मराठवाडा विकास मंडळांसारख्या वैधानिक विकास मंडळांच्या पुनर्स्थापनेसाठी आणि त्यांना मुदतवाढ देण्यासाठी परिषदेने सातत्याने प्रयत्न केले आहेत.
• पाणी प्रश्न: मराठवाड्यातील पाणीटंचाई हा एक मोठा प्रश्न आहे. परिषदेने या प्रश्नावर सरकारकडे अनेक मागण्या केल्या आहेत, ज्यात जायकवाडी धरणात पाणी सोडणे, समन्यायी पाणी वाटप धोरणाची अंमलबजावणी करणे, आदींचा समावेश आहे.

थोडक्यात, मराठवाडा जनता विकास परिषद ही एक अराजकीय संघटना असून, ती मराठवाड्याच्या सर्वांगीण विकासासाठी आणि येथील जनतेला न्याय मिळवून देण्यासाठी प्रयत्नशील आहे.